27/9/07

O SAN MIGUEL DE ROSENDE CERRA O VERAN FESTIVO


As festas de San Miguel en Rosende dan por finalizado o veran festivo no concello de Sober. Ainda quedan parroquias por celebrar as suas festas maiores, como Amandi, Canabal ou Millan, pero nestes casos seran xa festas de outono ou inverno.

En Rosende teñen preparado un programa festivo variado con actividades relixiosas, fogos artificiais e musica principalmente. A orquestra "LOS PLAYERS", e a principal das que esta programada no cartel festeiro.

Éste ano como novidade destaqcada está a solta dun porquiño na tarde do domingo no campo da piscina. O porco estará engrasado e será entregado a persoa que logre facerse con el.


A Igrexa Parroquial atopase nun edificio reconstruído en diversas ocasions, con orixe nun mosteiro de bieitos existente ao menos dende principios do XIII e dependente como priorato do mosteiro de Santo Estevo de Ribas de Sil.
Do primitivo edificio conservanse restos románicos decorativos na torre-campanario, mentras que anexo ao antiguo priorato presenta unha balconada de estilo señorial.
No interior garda un interesante retabulo maior de estilo rococó con duas alturas.

21/9/07

XUVENTUDES MUSICAIS PREMARA O PROGRAMA DE CONCERTOS "MUSICA NO OUTONO"



A agrupación XUVENTUDES MUSICAIS de SOBER ten perfilada unha nova edición do ciclo de concertos de Outono baixo o titulo "MUSICA NO OUTONO". Este ciclo e un complemento do que se celebra nos primeiros meses do ano baixo a denominación "PRIMAVERA MUSICAL". A agrupación pretende que ambos ciclos se consoliden no panorama musical galego e todo parece que estan lograndose esos obxetivos. Os concertos previstos para as próximas datas son os seguintes:




Sábado, 6 de Octubre:
ArunDonax –TRIO DE CAÑAS (oboe, clarinete e fagot).


Sábado 10 de Novembro:
Fernando Arias (VIOLONCHELO) e Miguel A. Ortega Chavaldas (PIANO).

Sábado 17 de Novembro:
Iñaki Alberdi e Iñigo Aizpiolea (Duo de ACORDEONS).


* Tódolos concertos serán ás 8,15 da tarde no Auditorio do Centro Sociocultural.


Trátase de musicos de primeiro nivel, gañadores de concursos a nivel internacional que de seguro faran pasar extraordinarias horas a todos os que desexen asistir os concertos. Como é habitual os concertos seran gratuitos.



O primeiro dos concertos será o 6 de Outubro e detallamos a continuación o curriculun do grupo e o programa a interpretar.




arunDonax-trío de cañas

ArunDonax surxe da amizade de tres xóves músicos que tras experiencias musicais propoñen dar vida a un atractivo proxecto musical en común. Sendo unha das agrupacions máis consolidadas dentro da música de cámara escrita para instrumentos de vento, o trío de cañas e unha formación pouco habitual. Un dos aspectos máis destacados da sua proposta o estimular a creación de novas obras orixinais de mans de compositores do s.XXI. Así, contan xa con duas obras adicadas ao Trío.

Vicente Ferrer Enguídanos (oboe) .
Nace en Valencia no 1976. Comeza os seus estudios musicais, os once anos, con Miguel Morellá, oboe solista da orquestra de Valencia. Logo no conservatorio profesional de música “Joaquín Rodrigo”, estuda con Vicente Llimerá, obtendo o título de profesor de oboe coa calificación de sobresaiente. Máis tarde estudia no Conservatorio Superior de Música de Málaga, finalizando a carreira con René Martín. Durante o transcurso da sua formación musical, realizou numerosos cursos de perfeccionamiento con diversos oboístas, como: Salvador Tudela, Jean Louis Capezzali, Salvador Mir, René Martín, Washington Barella ou Thomas Indermühle.
No ano 2000 gaña o primeiro premio na “mostra musical para xóvenes intérpretes Regino Sáinz de la Maza” de Burgos. Dende o ano 2003, é alumno activo dos cursos de postgrado da Universidade de Alcalá de Henares, en la especialidad de oboe, impartidos por Eduardo Martíne. Ao longo da sua traxectoria musical foi oboe solista da Joven Orquesta de la Comunidad Valenciana (JORVAL), Orquesta Joven “Mare Nostrum”, Orquesta do conservatorio profesional de música “Perfecto García Chornet” de Carlet (Valencia), Orquesta do conservatorio “Antonio de Cabezón” de Burgos, Orquesta de Albalat dels Tarongers, Orquesta “Santa Cecilia” de Valencia, Orquesta Sinfónica “Ciudad de Melilla... Colabora coa orquestra Sinfónica del Vallés (Sabadell) é recientemente, participaou no festival Mozart de A Coruña xunto a Orquestra Sinfónica de Galicia. Traballou con directores como: Enrique García Asensio, Henri Adams, Eric Zainerman, Adam Ferrero, Octav Calleya, Alberto Zeda... Forma parte de distintos grupos de cámara, realizando conciertos por toda a peninsula. Na actualidade e profesor de oboe, no Conservatorio profesional de Música “Jesús de Monasterio” de Santander (España).

Chema García Portela (Clarinete).
Nace en Segovia en 1980 donde comeza os seus estudios musicais no Conservatorio Profesional de Música, simultaneando clases co mestre Juan Miranda e obtendo o título profesional na especialidade de clarinete co profesor Pablo Fernández.
No 2003 conclue os seus estudios musicais no Real Conservatorio Superior de Música de Madrid con Justo Sanz, obtendo Matrícula de Honra e Premio Fin de Carreira. Completa a sua formación clarinetística cos profesores Hedwig Swimberghe, José Luis Estellés, Anthony Pay, Sylvie Hue, Ramón Barona, Norbert Kaiser, Philippe Leloup, Nerea Meyer, Enrique Pérez Piquer, Florián Popa, Jean Louis Sajot ou Salvador Vidal; de clarinete histórico con Eric Hoeprich, Carles Riera e Justo Sanz; e de clariente baixo con Henri Bok. Formou e forma parte de diversas agrupacions orquestais e camerísticas como a “Joven Orquesta de la Comunidad de Madrid”, a Orquestra “Aula Quattuor” de Segovia, a “Orquesta de Cámara del RCSMM”, o “Grupo de Música Contemporánea del RCSMM”, o “Nuevo Ensemble de música contemporánea de Segovia”, o trío “Ébano”, o dúo “Aulós”, o dúo “rA-mA”, o proxecto “Garua”, ou o trío de cañas “ArunDonax”. Como solista interpretouo o Concerto para Clarinete KW.622 de W.A.Mozart coa Orquestra de San Sebastián de los Reyes dirixida por Jeong-Goo Lee no Teatro Auditorio “Adolfo Marsillach”; a Pieza de Concierto nº1 para clarinete e corno di basseto de Mendelson co dúo Aulós, acompañado pola Banda Sinfónica del RCSMM dirixida por Miguel Moreno no Auditorio Nacional de Madrid; e a Sinfonía Concertante para oboe, clarinete, fagot e trompa de W.A.Mozart coa Joven Orquesta de la Comunidad de Madrid dirixida por Miguel Romea Chicote no Auditorio do Conservatorio de Música de Xetafe, Auditorio Nacional de Música de Madrid, Auditorio de Arganda del Rey e Casa da Cultura de Campo de Criptana así como en xira por Italia (Montecatini, Florencia e Arezzo) en Xulio de 2005.
Compaxina a sua actividade musical como intérprete coa docencia; foi profesor na Escola Taller do Concello de Segovia, na Escola Municipal de Música de Nava de la Asunción (Segovia) e na Escola Municipal de Música de El Espinar (Segovia). Actualmente e profesor de clarinete no Conservatorio Profesional de Música “Jesús de Monasterio” de Santander.

Ramiro García Martín (Fagot) .
Nace en Madrid en 1980. Comeza os estudios musicais os 7 anos. Estudia Grado Elemental e Medio na especialidade de acordeón con Esteban Algora e Grado Superior con Tito Marcos obtendo o Título Superior no RCSMM. Fixo cursos de especialización instrumental con Stefan Hussong. Desde 1997 simultanea estudios de fagot, realizando o Grado Medio con José Luis Mateo. Amplia a sua formación con Vicente Merenciano e Klaus Thunemann en cursos de perfeccionamiento instrumental e con Paco Alonso, Enrique Abargues, Reinold Cárdenas, Vicente Palomares, Jose Luis Mateo, Paco Más e David Tomás en cursos de práctica orquestal. Actualmente estudia na MUSIKENE, tendo como profesores a David Tomás, Edurne Santos, Javier Aragó e Vicente Alario. Está especializandose en repertorio contemporáneo tanto de acordeón como de fagot.
En 2001 consigue a plaza de fagot solista da Xove Orquestra "Juan Crisóstomo Arriaga" de Majadahonda, actuando en París, Solesmes, Albarracín, Segovia, Teruel, Majadahonda, Murcia, Ascoli Piceno, Montegiorgio... No 2002 consigue a plaza de fagot titular da Xove Orquestra da Comunidade de Madrid. No 2004 interpreta como solista a Sinfonía Concertante para instrumentos de viento de Mozart na Sala Sinfónica do Auditorio Nacional repetindo en Xulio de 2005 en xira por Italia no festival de Orquestras Xóvenes de Florencia (Montecatini, Arezzo e Florencia).Dende 2004 es fagot titular da Orquestra Xove de Extremadura. Durante dous anos 2004 e 2005 e seleccionado para a Beca de Colaboración coa Orquestra “Freixenet” da Escola Superior de Música Reina Sofía, traballando con Radovan Vlatkovic, Hansjörg Schellenberger, Antoni Ros-Marbá e Jose Luis García Asensio. En 2005 consigue a praza de fagot titular na Orquestra Escola da Sinfónica de Madrid. Colabora asiduamente coa Orquestra de Cámara Andrés Segovia, Orquestra Sinfónica de Extremadura e coa Orquestra Sinfónica de Madrid. Actualmente é profesor da Orquestra da Comunidade de Madrid.


Programa do Concerto


I parte:


-Flores Chaviano (1948): Danzón un

-Jean Françaix (1912-1997): Divertissement (ou Trio d'anches) (1947):

I.- Prélude

II.- Allegretto assai

III.- Elégie

IV.- Scherzo


II parte:


-Heitor Villa-Lobos (1857-1959): Trío para oboe, clarinete e fagot (1921):

I.- Animé

II.- Languidamente

III.- Vivo

"PINGADOURO", ULTIMA UNHA EXCURSION A COMARCA DE CELANOVA

A Agrupación Micoloxica "PINGADOURO", ten preparada unha excursión a comarca de CELANOVA para un domingo entre fianis de Octubro e Novembro; o programa xa perfilado sería o seguinte:

Saida das Casitas da Compañía de MONFORTE ás 8,30 da mañá.
Parada en CANABAL (N-120), ás 8,40 e en FERREIRA (N-120) ás 8,45.

PROGRAMA DE VISITAS:
Concello de A MERCA:
- No lugar de A Merca, moi interesante e conservado conxunto de cabaceiros (horreos), preto de medio cento. Interesante Cruceiro de Vilar.
- En A Mezquita. Igrexa de San Pedro, románica do S. XII, con interesante boveda de crucería. É monumento nacional e considerase a máis importante obra do romanico rural da provincia de Ourense.
Concello de CARTELLE:
- Santuario de As Maravillas (S. XVIII), situado nun fermoso entorno natural.
- Igrexa barroca de Santa Baia de Anfeoz (S. XVIII), destaca un interesante campanario e un retabulo de 1807 obra de Juan Fernandez.
- Ponte de Freixo (no limite con Celanova, sobre o rio Arnoia). Ponte romana sen modificacions.
- Petroglifos de Freixo, conxunto de 5 gravados rupestres.
Concello de RAMIRÁS:
- Igrexa mosteiral de San Pedro. Romanica moi ben conservada con orixe no S.X.
Concello de CELANOVA:
- Santa Eufemia de Milmanda: Moi fermoso povo que conta con:
- Alcazar Medieval (orixe da actual Igrexa Parroquial)
- Peto de ánimas (dos máis grandes de Galicia)
- Conxunto de cabaceiros
- Casas con grandes balconadas e corredores.
- Duas igrexas; (a parroquial de Santa Eufemia, e outra barroca na honra de Santa María)
- Castromao: Castro dos de maior riqueza arqueolóxica (restos dos seculos VI a. de c. a II d. de c.) Foi excavado en diferentes epocas por Cuevillas, Ferro Couselo e García Rollán. Hai descovertas máis de 70 edificacións.
-CELANOVA:
- Mosteiro de San Salvador (San Rosendo). Destaca o retabulo maior da Igrexa con columnas salomónicas, furnas con restos de San Rosendo e San Torcuato, dous coros con fermosa sillería, un moi interesante relicario e un organo restaurado que fan soar en caseque todalas misas (vale moito a pena escoitalo), dous claustros, …
- Na parte traseira do mosteiro (antiga horta) temos a capela de San Miguel (mozárabe do S.X).
- Na vila podemos visitar a Praza Maior, Rua da Botica, Alameda, Casa de Curros Enriquez (no número 37 da rua do mesmo nome).
-VILANOVA DAS INFANTES: Núcleo de orixe medieval no que destaca:
-Torre do Castelo (hoxe centro comarcal),
-Conxunto de cabaceiros.
-Casas fidalgas.
-Cristo medieval na Igrexa Parroquial.
-Santuario da Virxe do Cristal .Unha diminuta imaxe que se atopa nunha especie de ovo de cristal. (¡unha miragre!).
-Palco de musica
-Peto de ánimas.

NOTAS.-
-O día 26 de Novembro de 2007 cumprense 1100 anos do nacemento de San Rosendo. Con éste motivo a Santa Sé concedeu “Ano Xubilar” ata ese día. Os que se acerquen a Celanova nese periodo gañaran as “indulxencias plenarias” concedidas polo papa Benedicto XVI.
-Ao estar en Terra de Poetas (Curros Enriquez, Castor Elices, Celso Emilio Ferreiro, Mendez Ferrin, …), caseque é obrigatorio recitar poemas en algunha das visitas.
-En Celenova hai varios Restaurantes. Os pratos máis caracteristicos son: Embutidos, Cocido, Lacon con Grelos, “Pata dos Poetas”, Licor Café e de Herbas , …

19/9/07

BALANCE POSITIVO DAS FESTAS DE SOBER


As festas do Carme que se celebraron na capitalidade do concello durante o pasado fin de seman, finalizaron con un balance positivo.
Os organizadores mostraron certa preocupación pola falta de apoio tanto institucional como do vecindario. As coutos dos veciños foron iguais ou menores que en anos anteriores e o concello aporta 3.600 euros, a cantidade máis pequena de todos os concellos da comarca e a mesma dende fai anos. A pesares de todo, o traballo feito polo grupo de xoves que forman a comisión organizadora durante varios meses e o bar que instalaron no recinto durante as festas parece que fai que o tema económico quede resolto.

Polo que respecta as actividades festivas, podemos calificar os festexos de éxito. A musica boa en lineas xerais destacando a actuación de "LOS SATELITES" e "JUAN MALLO", sin esquecer a boa actuación de "SAUDADE 73" , "ALIANZA", "FANTASIA" ou "CABARET". Tamen resultou moi positivo a actividade infantil programada para a tarde do sabado, a queimada do venres, a sesión de fogos do domingo a cargo de piroteccnia "Mourentan", a actuación da Banda de Música de Sober, os grupos de gaitas de Monforte, ou as actividades relixiosas principalmente na xornada do domingo. Este ano recuperouse a sesión vermú con orquestra -neste caso o sábabo-, e destacaron entre todas as actividades o TIRO DE CORDA do domingo polo serán e a PAELLADA XIGANTE do luns. Precisamente este acto foi o máis vistoso e deixou o veciños con un moi bó "sabor de boca". Máis de 300 persoas participaron na paellada que estaba previsto facer na praza do concello pero por temos a chuvia fixose na antigua sala de fiestas "Hito". Tanto na paellade como na queimada foi moi importante a colaboración do todoterreno "MARIO" de Carude que co seu equipo de son e o seu saber facer animou as duas actividades.

O cociñeiro da gran paellada foi José Arias , un veciño do Piñeiro de Bulso, que vive habitualmente en Suiza. Foron sesenta kilos de arroz, sepia,calamares, polo, pimientos, caldo de pescado,berberechos, langostinos ou mexilons entre outros ingredentes os que fixeron realidade a gran paella. Entre los asistentes comentouse que faltaba un pouco de sal, pero o cociñeiro xustificou este pequeno detalle pola xente máis maior, para que tamén poideran degustar o prato sen temer pola saude. En anos anteriores faciase unha pancetada e fai unha decada era unha sardiñada o habitual do luns das festas de Sober.

O material do cociñeiro foi feito para a ocasión. As palas eran de madeira de cerdeira e ciprés, e foron feitas polo carpinteiro de Sober Tomás Rodríguez . Agora están ben gardadas para telas a punto para la próxima paella que se fará o ano que próximo.

10/9/07

XA CHEGAN AS FESTAS DO CARME







A capitalidade do concello vivirá dende este venres día 14 as suas Festas Maiores na honra da VIRXE DO CARME.



Os xoves que organizan os festexos fai meses que estan traballando e na ultima semana deixaron o programa completemente rematado.


Haberá actividades relixiosas, culturais, deportivas e musicais; un moi amplo abano de actividades que en lineas xerais desglosamos a continuación.



O xoves día 13 pola tarde haberá un partido de fútbol entre o SOBER e o LEMOS no campo de Centeás.



O venres día 14 darase inicio as festas cunha Misa na Igrexa de San Martiño a 1 da tarde e posterior traslado da imaxe da Virxe en procesión ata a Igrexa de Sober.


A partir das 11,30 da noite dará comenzo a primeira verbena que neste día estará amenizada pola orquestra FANTASIA.


No trascurso da festa farase un QUEIMADA para degustación de todolos asistentes.



O sábado 15, haberá bombas de palenque e pasarruas con unha CHARANGA a primerias horas da mañá, procesión polas ruas de Sober seguida de Misa Solenne a 1 de mediodía, as 2 sesion vermú coa orquestra ALIANZA.


Pola tarde celebraranse diversas actividades infantis na praza do concello e dende as 9 da noite baile coas orquestras ALIANZA e JUAN MALLO.



o domingo 16, iniciarase o día novamente con bombas de palenque e pasarruas , esta vez a cargo da BANDA DE MUSICA DE SOBER que ofrecerá un concerto ás 12,30.A 1,30 Procesión acompañada pola Banda de Sober seguida de Misa Solenne. As 2,30 sesión vermú coa Banda de Sober.


Pola tarde a partir das 7 concurso de TIRO DE CORDA. Dende as 9 da noite baile coas orquestras CABARET e LOS SATELITES. As 12 da noite unha gran sesión de FOGOS DE LUCERIA poderá contemplarse na praza do concello.



O luns 17, festa local no concello de Sober, iniciarase a xornada con pasarruas con un GRUPO DE GAITAS. As 12,30 haberá Misa, a 1,30 de mediodía sesion vermú co Grupo de Gaitas. Polo seran as 8,30 GRAN PAELLADA GRATUITA e a continuación ultimo baile, nesta ocasión coa orquestra SAUDADE 73.



¡¡FELICES FESTAS A TODOS!!

7/9/07

TERCEIRO CABODANO DE MANUEL MARIA


Este sábado, 8 de Setembro conmemórase o terceiro cabodano do poeta Manuel María. A Fundación que leva o seu nome, presidida por Alfonso Blanco organiza diversos actos en honra ao escritor da Terra Chá.
Nuhas declaracións recentes o Presidente da Fundación dixo "a palabra do poeta chairego é inmorrente". Blanco afirmou que "o Manuel sempre quixo que o lembrasen como a un penedo, un carballo de fortes raíces dos que hai na terra chá e en toda Galiza. A súa memoria segue viva e queremos seguir disfrutando da súa poesía, do seu teatro, da súa narrativa e de a súa estela de ben, porque, ante todo, Manuel María era un home comprometido co seu país".

O sábado terá lugar ás doce da mañá unha táboa redonda en Vilalba no muiño do Rañego sobre o libro " Os soños na gaiola " do que se celebran 30 anos da súa traducción ao portugués. Despois levantarase un monolito en memoria de Manuel Maria, ao carón do muíño do Rañego.

A xornada de actos en honra ao bardo chairego , continúa pola tarde cun recital que percorrerá diversos lugares de Outeiro de Rei para rematar no cemiterio cunha pregaria.

Posteriormente no Campo de Santa Isabel, rematarase a xornada co rito "A navalla do Manuel", no que se mesturaran os poemas do autor coa musica de A Quenlla ou Miro Casavella entre outros.
Lonxe de perderse no eco do pasado, a voz de Manuel María consolídase como unha das máis persoais dos anos sesenta e setenta en Galiza, cunha traxectoria que abrangueu todos os rexistros da lírica des que a primeiros dos anos cincuenta publicou Muiñeiro de brétemas, o primeiro libro en galego que saíu publicado despois da guerra civil.
Varias paxinas interesantes para escoitar e ler parte da sua obra:

5/9/07

TODO A PUNTO PARA A ROMAXE DE CADEIRAS




A romaxe na honra da Virxe de Cadeiras, ten fai meses perfilado o seu programa musical e nas ultimas horas os organizadores andan ultimando detalles para que todo estea a punto para o venres 7 pola tarde.


Sera o venres 7 ás 8 da tarde cando tras unha misa se traslade en procesión a imaxe da Virxe dende a Igrexa Parroquial de San Vicente de Pinol ata o Santuario; ali permanecerá ata que finalicen os festexos. Ese mesmo día 7 habera o primeiro baile coa orquestra "ALIANZA".


O sábado 8, xornada principal, habera pasaruas polos pobos da parroquia, misas rezadas dende as 10 da mañá e Misa Maior ás 2 da tarde con procesión. Ao remate da misa sesión vermu e pola tarde baile coas orquestras "CHARLESTON" e NEVADA". Heberá a media noite unha sesión de fogos de lucería e continuará o baile ata ben entrada a madruada.


O domingo 9 finalizara a romaxe con unha Misa Solenne con procesión ás 2 da tarde, logo sesión vermú e baile de tarde e noite coa orquestra "CASABLANCA".


Como é habitual centos de familias se reunen para comer nas inmediacións do Santuario no que se coñece por "corros"; fai xa semanas que moitos espazos estan reservados. Como sempre esta "Romaxe da Virxe de Cadeiras" é un exito asegurado.