MUSICA EN DIRECTO OS DÍAS 3 E 9 DE XANEIRO EN "A BODEGUILLA DE MARCE"

A Bodeguilla de Marce, comenza o 2009 con duas actuacions musicais en directo, como sempre gratuitas. Asi está anunciada para o sabado 3 de Xaneiro a actuacion do grupo monfortino PERPETUAL TWILIGHT e o venres seguinte 9 de Xaneiro o musico londinense afincado en Sober GARY KUPA.

As intencions de Marcelino Álvarez son de contar máis a miudo con actuacions musicais en directo. o certo é que as celebradas ata a data foron sempre un éxito de publico.

Non nos queda máis que animar a participar a xente nestes dous concertos que se aveciñan e agradecer a Marcelino as suas xestions por facernos disfrutar de musica en directo neste noso paraiso terreal.

ACTIVIDADES DE ANINOVO NA CASA DA CULTURA DE SOBER

O Concello de Sober programou diversas actividades no nadal e ten outras previstas de cara ao ano novo.

En concreto para as primeiras datas do ano esta anunciado:

XOVES, 1 DE XANEIRO
19:00h: BAILE DE ANO NOVO no Centro Sociocultural de Sober

SÁBADO, 3 DE XANEIRO
19:00h: 2ª Festa Intercultural: Coñece as costumes e gastronomía dos teus veciños estranxeiros no Centro Sociocultural de Sober

Nota.- Na imaxede La Voz de Galicia, un momento do festival de Nadal da Escola de Musica, celebrado o domingo 21 de Decembro.

DENDE "O BALCON DO SIL": BO NADAL E VENTUROSO ANINOVO

Dende este "BALCON DO SIL", quero desexar o mellor de cara ao 2009 que xa se achega para todos, e en especial para as xentes da miña tribu.

Como fago habitualmente dende fai case unha decada, remito por correo ordinario un poemiña da miña colleita; o deste ano é o seguinte:

ESTAMOS DE NORA-BOA

Estamos de nora-boa, naceu un neno en Belén;
foi nun humilde pesebre, e un boi manso alenta nel.
María, a nai, anda leda bordando roupa para el.
O pai, Xosé o carpinteiro, un roliño anda a facer.
Guiados por unha estrela, tres magos o van a ver.
Os pastoriños da aldea, lle ofrecen doces e mel.
Este neno veu o mundo, soamente para facer ben.

Luís F. Guitián.

O DOMINGO 21, FESTIVAL DE NADAL DA ESCOLA DE MUSICA DE SOBER

O domingo 21 de decembro, as 7 da tarde no Auditorio da Casa da Cultura de Sober, a Escola de Musica de Sober, celebrará o seu habitual FESTIVAL DE NADAL.

O acto contará coa actuación de diversos grupos de nen@s e solistas que interpretaran principalmente temas relacionados coas datas que vivimos.

Haberá no escenario nenos dende 4 anos a adultos de máis de 70.

Actuará tamen a Banda Xuvenil de Musica e a BANDA DE MUSICA DE SOBER baixo a dirección de Miguel Franqueiro.

Este festival é sempre presenciado por numeroso publico e ao tempo aproveitase para inaugurar o BELEN XIGANTE que se instala nos pasillos do Auditorio da Casa da Cultura.

DE CEA CON MARCOS VALCARCEL

O pasado sábado, varios centos de persoas poidemos disfrutar dunha tarde inesquecible; primeiro no Liceo de Ourense a presentación do ultimo libro de Marcos Valcarcel e logo no San Miguel dunha cea na compaña do propio Marcos e a sua famila; mais ben a s suas familas: a carnal e a de amigos.

Foi unha tarde fantastica, mais ainda cando a ultima hora me enterei da derrota do Madrid e da victoria do Barcelona. E ainda máis cando a cea estivo musicalmente amenizada por un grupo de clarinetes: os vigueses CARAMUXO, gañadores da ultima edicion do concurso convocado pola Fundación Barrié de la Maza.

Dende este moi sinxeliño blog, non me atrevin ata hoxe a dicir nada; sabia que moitos e moi bos blogs galegos darian cumprida e ben feita información do acto. O certo que non podia tampouco deixar ainda que fose unha simple reseña e un enlace co blog supremo:

http://asuvasnasolaina.blogspot.com/

Quero tamen en primeiro lugar felicitar a Marcos pola sua xenerosa amizade e polo incansable labor; eu son un Soberino de Ourense que ama dempois de Sober a cidade das burgas; moita culpa delo tena Marcos Valcarcel. Quero tamen felicitar e agradecer a os organizadores, todos eles amigos: Trebi, Xoan Fonseca, Benito Losada, Alfonso Vázquez-Monxardin ,Cesar Ansias, Martinez-Pedrayo, Eustaquio Puga e Xosé Ramón Quintana, a organizacion fantastica do acto.

XUVENTUDES MUSICAIS DE SOBER, ANUNCIA UN CONCERTO EXTRAORDINARIO DE PIANO NA CASA DA CULTURA DE MONFORTE PARA O 6 DE DECEMBRO

Xuventudes Musicais de Sober, ten programado para o sábado 6 de Decembro, as 8 e cuarto da tarde na Casa da Cultura de Monforte un CONCERTO EXTRAORDINARIO DE PIANO en colaboración coa Sociedade Filarmonica de Monforte.

Como nun princio se previa este concerto faise en Monforte co piano propiedade da filarmonica monforteina por non contar en Sober cun istrumento adecuado.

O concerto estará a cargo da concertista madrileña Noelia Fernández Rodiles.

Transcribimos a sua biografía e o programa a interpretar.

NOELIA FERNANDEZ RODILES
Nace en Oviedo en 1985. Inicia os seus estudios no conservatorio “Julián Orbón” de Avilés, finalizando o grado medio de piano e viola coas máximas calificacions. Continúa os estudios de piano no Real Conservatorio Superior de Música de Madrid coa Profesora Ana Guijarro e na Hochschule für Musik “Hanns Eisler” de Berlín coa Profesora Galina Iwanzowa. En 2007 finaliza o Grado Superior con Matrícula de Honrra.
Dende o curso 2007-08 e alumna da Escuela Superior de Música Reina Sofía de Madrid, e na cátedra dos profesores Dimitri Bashkirov e Claudio Martínez Mehner.
Recibiu clases maxistrais dos mestres Daniel Barenboim, Joaquín Achúcarro, Salomon Mikowski, Joaquín Soriano, Alexander Kandelaki, Bruce Brubaker, Galina Eguiazarova, Julian Martin e Blanca Uribe, entre outros.
Obtivo primeiros premios nos concursos de Palma de Mallorca, Ciutat de Carlet, Jacinto Guerrero de Toledo e Ricard Viñes de Lléida, entre outros, así como segundos premios nos concursos Ciutat de Manresa, Blüthner e Veguellina de Órbigo.
Actuou como solista con diversas orquestras: a Julián Orbón de Avilés, a Sinfónica do Principado de Asturias, a Sinfónica de Extremadura, a Orquestra do Real Conservatorio Superior de Música de Madrid, a Sinfónica Iuventas e a Orquestra Presjovem.
Ofreceu recitais no Auditorio Nacional de Madrid, no Príncipe Felipe de Oviedo, Auditori Enric Granados de Lléida, Fundación Marcelino Botín de Santander, Auditorio Ciudad de León entre otros, así como en diferentes cidades de Alemania e Polonia.
Pianista acompañante do Curso Internacional de Música de Avilés, da Escola para Xóves Músicos Ciudad de Lucena e do curso Internacional “Nueva Generación Musical” da Granxa (Segovia).

Programa para o concerto do 6 de Decembro

Johann Sebastian Bach (1685-1750):
Preludio e Fuga nº 14 en fa# menor [Primeiro Libro] BWV859 (1722)
Ludwig van Beethoven (1770-1827):
Sonata nº 9, en mi mayor, op. 14 nº 1 (1798):
Allegro
Allegreto
Rondo. Allegro comodo
Isaac Albéniz (1860-1909):
Suite Iberia: 2º Caderno: Almería (1906)
*******
Robert Schumann (1810-1856):
Kinderszenen [Esceas de nenos], op. 15 (1838):
Von fremden Landern und Menschen [De terras e xentes extranas]
Curiose Geschichte [Curiosa historia]
Hasche-Mann [Xugando ao escondite]
Bittendes Kind [Súplica infantil]
Glückes genug [Casi feliz]
Wichtige Begebenheit [Un gran acontecemento]
Traumerei [Ensono]
Am Kamin [Xunto a chimenea]
Ritter vom Steckenpferd [O cabaleiro do cabaliño de xoguete]
Fast zu ernst [Demasiado serio]
Furchtenmachen [O coco]
Kind im Einschlummern [O neno dormese]
Der Dichter spricht [Fala o poeta]
Robert Schumann (1810-1856), arr. Franz Liszt (1811-1886)
Widmung (Liebeslied), Op 25 No 1 S566a
Frühlingsnacht, Op 39 No 12 S568
Giuseppe Verdi (1813-1901):
Rigoletto ‘Paraphrase de Concert’ S434 (arr. Franz Liszt)

AS XORANDAS MICOLOXICAS DE SOBER RESULTARON TODO UN ÉXITO

A nova edición das XORNADAS MICOLOXICAS de SOBER que organizaou a Agrupación Micoloxico-Naturista "PINGADOURO", resultou unha vez máis un exito. O xoves LEOPOLDO SANMARTIN, o antigo crego de Sindran e fundador de "OS LACTOUROS" de Monforte dirixiu unha saida o campo con alumnos da Escola de Hostelería de Rosende; ao tempo impartiu unha interesante charla de iniciación no Colexio "VIRXE DO CARME" e tamen adicou a tarde a identificar e comentar distintas caracteristicas de fungos con alumnos da Escola de Hostelería de Rosende.

O sábado o micologo OSCAR REQUEJO MARTINEZ, membro do Grupo Micoloxico Galego, foi o encargado de dirixir unha moi interesante saida ao campo. Durante a mañá da xornada conseguiuse reunir un total de 81 especies que logo formaron unha interesante exposición na Casa da Cultura de Sober. Durante a xornada de tarde o propio Oscar Requejo se encargou de identificar cada una das especies e montar a exposición. As 8 da tarde arredor de 70 persoas participaron na charla que ofreceu o profesor Requejo titulada "COGUMELOS NOS ECOSISTEMAS GALEGOS", unha vez rematada a charla os asistentes participaron nunha degustación de cogumelos con Viño de Amandi; entre outros pratos habia empanada de rosca con chourizo e panceta, empanadas de bacallao, carne e atun, tortillas, guiso (todos estes pratos feitos con cogumelos), rosca de Millan con queixo do pais, castañas e finalmente unha queimada na que non faltaron as setas; por certo, unha das setas que se votaron na queimada foi unha Amanita Muscaria, coa que se pretendía dar algo de "color" a festa.

Todo resultou un exito e por suposto estamos con ilusion e ganas de que chegue unha nova tempada.

Nota: Adxuntamos fotos de nosos socios e as tres últimas de Alberto de La Voz de Galicia.

AS XORNADAS MICOLOXICAS DE SOBER SERAN ENTRE O 13 e 15 DE NOVEMBRO

A Agrupacion Micoloxica "PINGADOURO" de Sober, ten perfiladas a suas XORNADAS MICOLOXICAS para os días 13, 14 e 15 de Novembro.

O programa de actividades será o seguinte:

Xoves 13
- Ás 10,30 saida o campo guiada por LEOPOLDO SANMARTIN -fundador de “OS LACTOUROS” de Monforte-, para alumnos da ESCOLA DE HOSTELERIA DE ROSENDE.
- Ás 12,15 Identificación comentada das setas recollidas e CONFERENCIA de LEOPOLDO SANMARTIN titulada “ADENTRANDOSE NO MUNDO DAS SETAS”, no COLEXIO “VIRXE DO CARME”.
Venres 14
- Ás 10,30 e 16,30 saidas o campo.
Sábado 15
- Ás 10,00 horas saída o campo dende a praza do Concello de Sober.
- Ás 18,00 horas identificación de setas e montaxe de exposición.
- Ás 20,00 horas CONFERENCIA de OSCAR REQUEJO MARTINEZ do GRUPO MICOLOXICO GALEGO, titulada “COGOMELOS NOS ECOSISTEMAS GALEGOS”
- Ás 21,00 horas degustación de cogumelos.
As actividades deste día no Centro Sociocultural de Sober.

Dende 1986, e por iniciativa da Asociación PINGADOURO, Sober pode disfrutar das setas (coñecelas e degustalas).

CAFE BAR PARADA CUMPRE 25 ANOS EN SOBER

Waldo e Olga, propietarios de Cafe Bar e Restaurante PARADA de Sober cumpren este mes de Novembro 25 anos da sua chegada a Sober.Para o SABADO día 8 a partir das 8,30 da tarde queren compartir o seu cumpreanos con todolos seus clientes. Habera VIÑO DE AMANDI e degustación de productos da terra xunto con alguha sorpresa que se verá "in situ".

Waldo é natural de Amandi e Olga de Figueiroá -os dous do concello de Sober-. Comenzaron na hostelería en Pontevedra, un par de anos antes de regresar a Sober.

En Sober colleron en primeiro lugar o traspaso do BAR MAÑÉ, que estaba situado na rua do Comercio, xunto a parada de táxis e do autobus; precisamente por elo o bautizaron co nome de BAR PARADA. Fai agora 15 anos que inauguraron o novo local na Estrada de Monforte, no cruce coa rua das Hortas; o novo local, moito máis amplo, supuxo unha moi importante mellora na infraestructura hoteleira de Sober, xa que por primeira vez tiñamos un Restaurante en condicions na capitalidade municipal, xunto con unha cafeteria adaptada aos tempos.

Pois ahi está 25 ANOS EN SOBER, de Bar Parada.

NORABOA a WALDO, OLGA, SUSANA e todos os seus familiares; que disfrutemos todolos clientes da xornada e como non desexarlles moitos anos máis entre nos.

EXCURSION DE 54 VECIÑOS DE SOBER A RIA DE VIVEIRO

Dentro do programa de viaxes Km. 0 que coordina o servizo de protocolo da Deputación Provincial un grupo de 54 persoas de Sober desplazaranse o día 23 de Octubro a Viveiro para pasar unha xordada na vila costeira.

A excursión sairá da praza do concello de Sober as 9 da maña e tras visitar o Pazo da Deputación na Rua San Marcos de Lugo, os viaxeiros achegaranse ata Castro de Riberas de Lea para ver a GRANXA GAIOSO CASTRO, propiedade de Deputación, a viaxe proseguira ata VIVEIRO onde os soberinos poderan ver a cidade dende o Monte San Roque, a Lonxa de Celeiro e facer unha viaxe a bodo do YATE GAROA pola ria de Viveiro.

O CICLO DE CONCERTOS "MUSICA NO OUTONO" DE XUVENTUDES MUSICAIS ESTA TOTALMENTE PERFILADO

A Asociación XUVENTUDES MUSICAIS de Sober, ten últimado o seu programa de concertos para o ciclo de concertos "MUSICA NO OUTONO".
En realidade o ciclo de concertos iniciouse o pasado día 7 martes, cun concerto no Auditorio do Conservatorio de Ourense a cargo do CUARTETO DE CORDA suizo-aleman "Amaryllis Quartett". Éste concerto, o primeiro do grupo en España foi un autentico éxito e celebrouse en Ourense ante a imposibilidade do cuarteto de actuar nun fin de seman. Os responsabeis de Xuventudes Musicais de Sober, que contan cun moi importante numero de socios entre profesores e alumnos do Conservatorio de Ourense decidiron facelo neste centro de ensino por contar de anteman con publico para o mesmo.
Para o sábado 8 de Novembro está previsto no Auditorio da Casa da Cultura de Sober a partir das 8 da tarde un CONCERTO DE GUITARRA a cargo do chileno SEBASTIAN MONTES.

Sebastián Montes (Santiago de Chile, 1979) recibe as suas primeiras leccions de guitarra da man de seu pai. En 1995 ingresa na Facultade de Artes da Universidade de Chile onde remata seus estudios de guitarra clásica co mestre Luis Orlandini, titulándose en septembro de 2003 con distinción máxima. No ano 2003 obtivo beca do servizo de intercambio académico alemán D.A.A.D, o que lle permitiu facer estudios de Postgrado na Escola Superior de Música de Hanover, baixo a dirección do profesor Frank Bungarten.
Actuou en Chile nas principais salas de concerto amais de en Argentina, Perú, Cuba, Uruguay, Costa Rica, España, Estados Unidos, Suecia, Austria, Irlanda, Italia, Portugal e Alemania.
Montes actuou como solista, a dúo con Luis Orlandini e como integrante do Cuarteto de Guitarras de Chile xunto a Orquestra Sinfónica de Chile, de Concepción ou de Antofagasta. Tamén actuou coa Orquestra Nacional Juvenil de Chile, Orquestra de Cámara de Chile, Orquestra da Universidade de Santiago de Chile, ou cas Orquestras Sinfónicas de Mendoza Argentina, Lima Perú, Ingolstad e de Kaiserslautern en Alemania, Orquestra Filarmonía das Beiras en Portugal e a Orquestra do Gran Teatro del Liceo en Barcelona.
Dende o ano 1999 hastr hoxe Montes efectúa diversas xiras de concertos como membro do Cuarteto de Guitarras de Chile, en distintos países de Centro e Sudamérica e en Europa, tamén dentro do marco de importantes festivais de guitarra como o Internacional de Guitarra da Habana organizado por Leo Brouwer. No 2004, como parte da sua primera xira por Alemania, actúa o Cuarteto de Guitarras de Chile na Philharmonie en Berlín.
Fixo 2 produccions dicográficas co Cuarteto de Guitarras de Chile para SVR en Chile e en novembro de 2006 graba a sua primeira producción como solista titulada Variaciones para Guitarra, con obras de Dowland, Weiss, Sor, Rodrigo e Britten.
Sebastián Montes obtivo diversos premios en concursos nacionais e internacionais, como o Liliana Pérez Corey (Santiago, Chile), Temporada del descubrimiento Orquestra Sinfónica de Chile (Santiago, Chile), Luis Sigall (Viña del Mar,Chile), Stotsemberg Guitar Competition (Los Angeles, USA), Festival Internacional de guitarra de la Habana (La Habana, Cuba), Concurso Internacional de guitarra Santa María de la Harmonía (Mar del Plata, Argentina), Concurso Internacional de guitarra de Entre Ríos (Entre Ríos, Argentina), Concurso Internacional de guitarra Luys Milán (Villa de L’Ollería, España), Festival Internacional de guitarra de Sernancelhe (Sernancelhe, Portugal) Concurso Internacional José Tomas Villa de Petrer (Alicante, España) ou Certamen Internacional de Guitarra Miguel Llobet (Barcelona, España).

Programa a interpretar en Sober
1ª Parte
Catro Pezas Latinoamericanas:
Baden Powel (Brasil): Retrato Brasileiro
Juan Antonio Sánchez ( Chile): Tonada por despedida
Joege Cardoso (Argentina): Milonga
Vicente Sojo (Venezuela): Galerón

Santiago Vera (Chile, 1950*)
Refocilaciones

Agustín Barrios (Paraguay 1885-1944)
A catedral
-Preludio
-Andante religioso
-Allegro solemne

2ª Parte
J.S.Bach (Alemania 1685-1750)
Sonata III BWV 1005
-Largo
-Allegro assai

J.K.Mertz (Austria 1806-1856)
Elexía

Joaquín Turina (España 1882-1949)
Homenaxe a Tárrega
Fantasía Sevillana

Xa para principios de Decembro está previsto un CONCERTO DE PIANO, que posiblemente se celebre na CASA DA CULTURA de Monforte ao non contar en Sober con un instrumento adecuado.

MUSICA PARA UN 91 CUMPREANOS NA RESIDENCIA DE SOBER

O pasado fin de semana na Residencia NOSA SEÑORA DO CARME de Sober un grupo de músicos agasallou a Esperanza Alvarez Gay no seu 91 cumpreanos cun concerto que incluiu maioritariamente pezas dos anos 20 , 30 e 40 do século pasado.

O curioso do concerto, que foi organizado polo seu propio fillo Pedro Llano Alvarez e que entre os musicos estaba o seu marido Alfonso Llano González que cumprirá 91 anos para xaneiro, tamen participou o seu fillo Pedro Llano, xunto con Alfonso Campos, Paula Vázquez Verao e Luis F. Guitian. Esta non foi a primeira actuación deste grupo de músicos na Residencioa de Sober e de seguro que non será a última.

O SAN MIGUEL DE ROSENDE OS DÍAS 27 E 28 DE SETEMBRO

O veran festivo de Sober vai chegando ao seu final, e así a parroquia de Rosende ten perfilado para os días 27 e 28 de Setembro as suas festas na honra do Patron San Miguel. Durante as duas xornadas haberá sesions vermú e Misa Solenne con Procesión, os bailes de tarde e noite seran amenizados polas orquestras ANDURIÑA, D´ MODA e COSTA AZUL. Como non pode ser menos haberá tamen sesións de fogos artificiais e pasarruas matinais.

REMATAN AS FESTAS DE SOBER CUNHA PAELLA XIGANTE

Como estaba previsto, o luns 22 de Setembro -festa local en Sober- remataron as festas do Carme en Sober coa actuación da orquestra POCEIRO e a degustación dunha PAELLA XIGANTE, na que participaron un moi importante numero de veciños e visitantes.

As festas remataron e o balance ten que facelo cada un.

Pola nosa parte, solicitar máis axuda para temporadas vindeiras tanto dos propios veciños como do Concello; e ao falar de axuda non soio nos referimos a económica que xa se sabe é a maís importante; debese de axudar en todolos aspectos.

Adxuntamos fotos da paellada xigante, do tiro de corda e da actuación da orquestra POCEIRO.

A PAELLA XIGANTE, como o ano anterior foi feita baixo a batuta dun cociñeiro internacional, tratase de José Arias , un veciño do Piñeiro de Bulso, que vive habitualmente en Suiza. Foron setenta kilos de arroz, sepia, calamares, polo, pimentos, caldo de pescado,berberechos, langostinos ou mexilons entre outros ingredentes os que fixeron realidade a gran paella. Como non podía ser menos axudaron varios veciños e veciñas en diferentes labores; entre eles e como como Axudantes de Cociña estiveron Lois, Simón e Losada.

As palas utilizadas foron as do ano anterior, de madeira de cerdeira e ciprés, e foron feitas polo carpinteiro de Sober Tomás Rodríguez . Agora volven estár ben gardadas para telas a punto para a próxima paella que se fará -Deus mediante- o ano que próximo.

Adxuntamos con data 26 de Novembro máis fotos da paellada e todas as do tiro de corda que foron facilitadas por Sandra Meijide Feijoo.

AS FESTAS DO CARME EN SOBER COMENZAN O VENRES 19 E REMATAN O LUNS 22 DE SETEMBRO

A capitalidade municipal de Sober, está xa preparada para as suas festas maiores na honra da VIRXE DO CARME. Os festexos inicianse o Venres a media tarde coa sub¡da en procesión dende San Martiño da imaxe da patroa da capitalidade, xa pola noite haberá o primeiro baile e farase unha quiemada popular. O Sábado haberá pasarruas pola mañá, misas rezadas e MISA MAIOR con PROCESION a mediodía. Polo seran un TORNEO DE FUTBOL 7 cadete con equipos de Ourense, Lugo e Monforte e pola noite baile ata ben entrada a madrugada. O Domingo pasaruas coa BANDA DE MUSICA DE SOBER, concerto matinal pola mesma agrupación, MISA CANTADA con PROCESION acompañada pola propia banda, e pola tarde o TIRO DE CORDA xa clásico na praza do toural. Pola tarde noite novamente baile con dous grupos musicais.

O Luns (festa local en SOBER), remataran os festexos con actos relixiosos pola mañá unha PAELLA XIGANTE GRATUITA a media tarde e o ultimo baile pola noite.

Como é habitual haberá actividades para os pequenos grupos de gaiteiros e fogos de artificio.

Os grupos contratados para amenizar os festexos son entre outros: "OS MINHOTOS", "PLAYERS", "POCEIRO",

"DUO MERITXEL" e "TORNADO".

SUBIDA AO CEO DE GALICIA (PENA TREVINCA)

O pasado domingo 7 de Setembro guiados polo Lois Dapena, un grupo de amigos de Monforte e Sober, entre eles eu e o Alfonso de Francos, tivemos a grandisima satisfación de chegar ao ceo de Galicia, ao pico de PENA TREVINCA.

Fumos dende PORTO (Zamora), e dempois de catro horas largas, e pensar varias veces que non dabamos chegado; culminamos a nosa aventura. Sinceiramente foi algo inenarrable un dos momentos de maior satisfación persoal da nosa vida para cada un de nos.
Ata Porto fomos vinte persoas pero a aventura polo monte fixemola 9: Lois Dapena, Luis Manuel Fernández, Alfonso Campos, Juan Bautista Vázquez, Paco Capón, Mario Lois Pontón, Luis F. Guitian, Luis Fernando Sánchez e Ramón Díaz.

Todo foi inenarrable, unha experiencia única.

Seguro que voltaremos.