VOLVESE VER A VELLA PONTE DO SIL

Coa baixada das augas do Sil, como consecuencia das obras que acomete a electrica IBERDROLA, pode verse novamente o que queda daquela fermosa ponte que comunicaba as terras de Lemos coas de Caldelas (o verdadeiro límite de Sober con Castro Caldelas).

Desa Ponte falaron no seu tempo o Licenciado Molina ou o Padre Sarmiento, neste caso, nuhna das suas viaxes a Galicia en 1745 e 1754 xa fala da ponte en ruinas.

A Ponte sen dubidas foi de orixe romano e sufriu unha importante reforma no medievo, tiña que ser espectacular, asi a describe o malagueño BARTOLOMÉ SAGRARIO DE MOLINA, coñecido por El Licenciado Molina, na sua obra editada en Mondoñedo en 1550, titulada: "Descripción del Reino de Galicia".

“E así vai o Sil ata a Ponte de Paradela, a cal podería ser ela soa unha cousa notable, pois é unha ponte de madeira que non debe haber outra semellante en toda España. Está alí tamén o río fundido entre dúas serras moi altas, e este pasa polo medio de dúas penas, onde en riba de cada unha delas hai unha torre, e de torre en torre vai polo aire un edificio de madeira que ten cento vinte pés de largo, e para pasar a cada unha destas torres hai outra ponte de madeira co seu capitel en cada unha; é cousa de admirar…”

Traducción textual da edición de Toxosoutos do ano 2003.

É unha boa ocasión para contemplar esta magna obra que somentes se pode ver en ocasións esporadicas como esta; a anterior vez foi a finais dos 70.

BODAS DE OURO DE CASTOR E LOLY RODRIGUEZ

O matrimonio formado por CASTOR RODRIGUEZ e DOLORES RODRIGUEZ, veciños de Sansillao-Proendos (Sober), celebraron rodeados de todos os seus familiares : fillos, netos, irmans e sobriños, un banquete en "RESTAURANTE PARADA 2" para festexar as suas BODAS DE OURO.

Castor e o maior de 7 irmans (2 homes e 5 mulleres), todos casados e que asistiron ao banquete. Agora pouco a pouco cada un dos irmans ira tamen cumprindo o seu 50 aniversario de boda.

Nas fotos de José Manuel Fernández e Vero o matrimonio aparece por este orde: 1) Cos sobriños de Castor; 2) Coa familia de Lola; 3) Con fillos e netos; 4) Cos 6 irmans de Castor e 5) Cos seus fillos Suso e Mila.

VISITA O CARBALLO MAIS GRANDE DO MUNDO

Onte domingo, polo seran, tiven a sorte de coñecer un dos seres vivos máis vellos do mundo, amais tratábase dun veciño cecano: O CARBALLO DO PAZO DE CARTELOS, en Carballedo. O Alfonso Campos, o Pepe Carrelo de Vilaescura e o Ramon da Pilariña de Vilastrille foron os tres compañeiros de viaxe. O Pepe Carrelo, xa o vira noutras ocasións e fai tempo que queria volver a velo e ensinarnolo a nos. Ao fin fixoo realidade.

Chegamos a Cartelos e xa os carballos que había xunto a Igrexa eran fenomenos naturais. Logo de preguntar varias veces e de dar varias voltas, entramos na carballeira do Pazo: sin duda ¡FENOMENAL!. Eu creo que arredor de trescentos carballos milenarios existen na finca do pazo, cada cal máis grande e máis alto. Case non sabiamos cal era o que andabamos a buscar. Ao fin, atopamos o exemplar que perseguiamos: simplesmente UNICO.

FOI DOS VIAXES QUE MÁIS MERECEU A PENA FACER. Unha magoa e o detrupado que esta a carballeira e moitos exemplares a punto de desaparecer por non seren podados e coidados. Algo haberá que facer.

Logo de visitar o pazo, que estaba en restauración, e o parecer ao morrer o dono quedou a medias, tomamos un cafe na Barrela e fumos ver outro exemplar na parroquia de Carballedo, o carballo do HERDEIRO. Éste exemplar non tiña a altura do anteriores, pero de tronco, posiblesmente fora ainda maior.

En referencia ao carballo de Cartelos atope os seguintes datos:

"Na carballeira do pazo de Cartelos no concello de Carballedo (Lugo) , subsiste un exemplar, pouco coñecido, que pode ser o máis vello do mundo desta especie. A súa idade non se coñece con exactitude, pero o feito de que unha das pólas derrubadas polo ciclón Hortensia en 1984 tivera 800 anos, danos unha estima da súa idade, que podería rondar os 1500. Todo nel é espectacular: 12 m de perímetro, 34 m de altura e 614 m2 de copa. O seu competidor inmediato é un carballo en Suiza de 930 anos. Todo esto fai que sexa o ser vivo máis vello de Galicia xunto co castiñeiro de Pumariños en Manzaneda (Ourense).

AI QUEDA ESO. ¡MANDA CARALLO....! DIGO: "¡MANDA CARBALLO!".

A foto, atopeina en Internet, pero non nos di o que verdadeiramente é o carballo.

SOBER É O CONCELLO MÁIS ENVELLECIDO DE ESPAÑA

O concello de Sober, figura como o concello máis envellecido de España según un estudo feito pola fundación BBVA que foi dado a coñecer moi recentemente. Este estudo fala unicamente de concellos do estado con máis de 2000 habitantes polo que non aparecen outros concellos galegos ainda máis envellecidos que Sober como é o caso de Ourol (Lugo), ou A Teixeira e Parada do Sil (Ourense).

No estudo presentado pola fundación BBVA titulado "Actividad y territorio: Un siglo de cambios", aparecen datos moi importantes, pero no referente a idade da poboación, reflexase que os quince concellos maiores a 2000 habitantes máis envellecidos de España son todos galegos e por este orde:

Sober, O Irixo, Patón, Ramirás, A Pobra do Brollón, Cartelle, Castrelo de Miño, O Saviñao, Vilardevós, O Incio, Muiños, Baños de Molgas, Bande, Nogueira de Ramuín e Xunqueira de Ambía.

Como se observa son concellos do interior de Lugo e Ourense.

En concreto o 47,35% do censo de Sober supera os 65 anos. No caso dos nosos veciños de Pantón o 44,93% son os que figuran nesa franxa.

Case podemos chegar a conclusión de que amáis de ser o máis envellecido do estado español e dos máis envellecidos do mundo debido a que España é dos paises máis envellecidos de Europa e Europa o continente máis envellecido do mundo. Segun diversos estudos nun prazo de 20/25 anos España será o país máis envellecido do planeta (si existe o planeta). Logo Sober será o lugar máis envellecido do mundo (si existe Sober). Esperemos que sí e que sexa lider noutros ránkins.

Non podemos considerar a noticia positiva, nin moito menos; pero si ten algo de ben diremos que é unha sorte contar no noso concello con media ducia de centenarios e varios centos de persoas que superan os 85 anos eso significa que a xente nova ten moi de preto fontes de sabiduria das que deberiamos aprender.

Fai moi poucos día a aboa do concello cumprio 104 anos. JULIA PEREZ RODRIGUEZ, veciña de Francos de Proendos cumpriu a mediados do presente mes 4 anos por encima do centenar.

Queremos felicitar a Julia e a súa familia por tan importante nova.

GARY KUPA: UN MUSICO INGLES EN SOBER

Gary Kupa e un extraordinario musico ingles que fai xa un lustro que se asentou en Sober. Concretamente reside en HORTAS-Anllo Santo Estevo.

Gary Kupa e un fenomenal guitarrista e domina a armónica coma un autentico virtuoso.

A sua musica e tipo blues ainda que fai baladas fermosas e un rock moi doado de escoitar

Fai anos e a petición de Eduardo Alvarez (ALVAPER), compuxo unha moi fermosa canción adicada o VIÑO DE AMANDI.

Gary con asiuidade toca co grupo ourensan MITOCONDRIAS.

Sen dubida unha sorte para os veciños de Sober de contar con xente como GARY KUPA.

Gary actua con frecuencia en Sober en "A BODEGUILLA DE MARCE", na praza do Toural. Sen dubida é moi recomendable asistir a algunha das suas actuacións.

En Onda Lemos Dixital, podemos de cando en vez escoitar temas de Gary Kupa, entre eles a fermosa canción que adicou o VIÑO DE AMANDI.

LEMBRANDO CURIOSIDADES

De cando en vez lembraremos cousas ou feitos curiosos.
Tamen faremos un apartado para lembrar xentes que foron e seran importantes para a historia da nosa tribu; moitos caseque permaneceron sempre no anonimato. Intentaremos revivilos xa que os consideramos parte de nos mesmos.

O tema de hoxe refirese a dous autos que circularon moito tempo por Sober.

Quen non se lembra da furgoneta dous cabalos que tiña o capador. Non fai tantos anos -entre 15 e 20-; aparcaba a miudo pola Compañia de Monforte e visitaba todalas parroquias do concello de Sober.
Na parte traseira por riba do porton liase: "EL TEMERARIO".
Nos dous laterais do auto podiamos ler: "SE CAPAN TODA CLASE DE HEMBRAS".
Seria moi importante poder obter unha fotografia dese coche. Seguro que hai mais duhna. Pregase que a fagades chegar por calquera medio. Sera publicada ao instante para o disfrute de todos.

Temen nos lembraremos moitos dunha camioneta que caseque todolos dias visitaba Sober procedente de Ourense. Na parte traseira liase con toda a claridade: "QUIEN TIENE LOS HUEVOS MAS GRANDES DE ORENSE..... INDUSTRIAS REBOLLO"